Алардын бири, “Кабар” агенттигинин Ош аймагы боюнча өз кабарчысы Алтынбек Жолдошев Ош шаарында белгисиз үч адамдын токмогуна кабылган. Ал эми Караколдогу Экологиялык жаштар компаниясынын Бишкек бөлүмүнүн кабарчысы Азат Тогузбаевге Бишкектин Карл Маркс-Горький көчөлөрүнүн кесилишинде бак кыйып жаткандар кол көтөрүп, видеотасманы тартып алып, талкалап салышкан. Бул фактылардын катталган-катталбагандыгы тууралуу ИИМдин басма сөз кызматы маалымат бере элек. Укук коргоочулар болсо журналисттер барган сайын коркутуп, үркүтүүлөргө көбүрөөк кирептер болуп жаткандыгын белгилешти. (BuS)
