Жергиликтүү кабарчыбыздын маалымдаганы боюнча 19-октябрдагы нөшөрлөп жааган жаандан пайда болгон сел Майлуу-Суу шаарынын, Ноокен районунун бир катар тургундарына залал келтирип, үйлөрдү алып кетти. Алсак Майлуу-Суу шаарында 10 турак-жайды короолору менен, Ноокенде 8 үйдү сел каптаган. Мындан тышкары селдин кесепетинен автоунаа жүрүүчү жолдор, көпүрөлөр жана айдоо аянттары жабыркаганы айтылууда. Кырсык болгон жерлерде чукул кырдаалдар министрлигинин атайын кызматтары иштеп жатышат.(ZKo)
