Дин иштери боюнча мамлекеттик агенттиктин жетекчисинин орун басары Канатбек Мирзахалиловдун бүгүн тегерек үстөлдө билдиргени боюнча өлкөнүн коопсуздугуна коркунуч келтирүүчү экстремисттик багыттагы диний агымдардын башында “Хизб-ут-Тахрир” партиясы турат. Аталган партия Кыргызстандагы ишмердүүлүгүн жыл өткөн сайын күчөтүп, катарына жаш балдарды жана аялдарды тартууда. Хизб-утчуларардын Орозо айт күнү Ноокаттагы кылган аракети алардын Кыргызстандын мамлекеттүүлүгү үчүн өтө коркунучтуу күч экендигин көрсөттү, дейт Канатбек Мирзахалилов. Анын бекемдеши боюнча ушул тапта Кыргызстанда дагы бир нече диний агымдар: Иисус Христос чиркөөсү, Өзбекстандын ислам кыймылы, “Ак боордоштук”, “Акрамия”, Муна чиркөөсү жана башка бир катар сатанисттик кыймылдар өлкөнүн коопсуздугуна коркунуч келтирген агымдар болуп эсептелет.(ZKo)
