Бул тууралуу адвокат Кубан Калыков бүгүн “Азаттыкка” билдирди. Анын айтымында, Кадырбеков жана адвокат козголгон кылмыш иштин алкагында коюлган айыптар менен таанышып бүткөндөн кийин иш Башкы прокуратурага өткөрүлүп берилет. Прокуратура беш күндүн ичинде ишти карап чыгып, аны сотко жибериши же кайра тергөөгө кайтарышы ыктымал. Азыркы мезгилге карай биз иш менен таанышууну аяктоонун алдында турабыз, деп белгиледи Калыков. Мамлекеттик курулуш жана архитектура боюнча агенттиктин башчысы Ишенбай Кадырбеков кызмат абалынан кыянат пайдаланган деп айыпталып, Финансы полициясы тарабынан май айында камакка алынган.(AiT)
