Ал эми Өзбекстанга келген инвестициялардын дээрлик бардыгы азия өлкөлөрүнөн экенин Каримов Латвиянын президенти Валдис Затлерс менен болгон жолугушуусу учурунда билдирди. Ошондой эле И.Каримов мамлекеттин алтын жана чет элдик валюта резервдери жылына 3 млрд АКШ долларына көбөйүп жатканын билдирди. Бирок резервдердин жалпы наркы боюнча үн каткан жок жана бул маалымат эч качан ачыкталган эмес. Үч жыл мурун орун алган Андижан окуяларынан кийин Валдис Затлерс Өзбекстанга келген Евробиримдиктин биринчи өкүлү.
