Мындай пикирин билдирген "Кылым шамы” укуктук борбордун жетекчиси Азиза Абдырасулованын айтымында, жергиликтүү кеңештерге шайлоого үгүт иштерин жүргүзүү маалында талапкерлердин укугу одоно бузулган учурлар кездешти. Буга мисал кылып, 2-3-октябрда Ала-Тоо аянтында Жашылдар партиясынын Бишкек шаардык кеңешке талапкерлеринин шайлоочулар менен жолугушуусу тартип коргоо кызматы тарабынан күч менен таркатылып, партиянын айрым мүчөлөрүнүн камакка алынышын айтты. Ал ошондой эле шайлоо участкаларындагы шайлоо комиссияларында кадрлык кризис бар экендигин белгилеп, дээрлик бардык комиссиянын мүчөлөрү өз милдеттерин, укуктарын жакшы билишпестигин кошумчалады. (AJ)
