Бул тууралуу “Ата мекен” партиясынын өкүлү Алмамбет Шыкмаматов бүгүн эрте менен “Азаттыкка” билдирди. Анын айтымында, бүгүн саат ондо партия Кабилованын видеокайрылуусун “Акипрессте” өтө турган маалымат жыйынында жарыялайт. Кайрылуунун мазмуну тууралуу азырынча эч кандай маалымат бере албасын Шыкмаматов белгиледи. БШКнын маалымат кызматы мындай маалыматты четке какты. Ал эми БШКнын мүчөсү Абдыжапар Бегматовдун айтымында, Клара Кабилова Беларустагы парламенттик шайлоого байкоо жүргүзүү үчүн бейшемби күнү Минскиге жөнөп кеткен. 28-сентябрда Беларуста парламенттик шайлоо болот.(AiT)
