Бул тууралуу Кабулда АКШнын Коргоо министри Роберт Гейтс ооган президенти Хамид Карзай менен жолугушуудан кийин билдирди. Ооган бийлигинин жана Улуттар Уюмунун өкүлдөрүнүн маалыматына ылайык, 22-августта абадан урган соккудан 90 жайкын тургун набыт болгон, алардын көбү аялдар жана балдар. Америкалык аскер башчылары чабуулдан 35 согушчан өлтүрүлгөнүн жана 5 же 7 карапайым ооган тургундары мерт кеткенин ырастоодо. Анын аралыгында Биргелешкен штабдар командачысы Майк Моллен Исламабадда Пакистан өкмөтүнүн өкүлдөрү жана аскерий жетекчилик менен сүйлөшүү өткөргөнү кабарланды.