Талкууда адамдар менен бодо малдын күйдүргү илдетине чалдыгыш себептери каралды. Облуста текшерилген 6 мал базары санитардык талаптарга жооп берген эмес. Көптөгөн базарларда жугуштуу оорунун алдын алуучу каражаттар жетишсиз, мал доктурунун тактамасы жок эле кой-эчки бодо мал, жылкылар сатылган учурлар арбын. Чек аралаш аймактарда Өзбекстандын малы жайылып жүргөнү жашыруун эмес. Мал базарга ирегелеш турган тамак-аш сатылчу жайлар атайылап бөлүнбөгөн, андагы ашпозчулар медициналык кароодон өтүшпөгөн. Ошондуктан Базар-Коргондун мал базарында тамак-аш саткан 7 күркө жабылган. Кемчиликтерди оңдоого базар ээлерине эки ай убакыт берилди. Эскертчү жагдай өткөн айда облуста он адам күйдүргү илдетине чалдыгып, бир карыя оорудан каза тапкан. (YA)
