8-август күнү жергиликтүү убакыт менен саат 17.30да Улуттук теле-радио корпорациясы Бээжин Олимпиадасы – 2008 ачылышын аземин көрсөтөт. Бул тууралуу УТРК президенти Мелис Эшимканов Азаттыкка билдирди. Анын айтымында эл аралык олимпиада оюндары маалында УТРК 4-5 сааттан кыргызстандыктарды мелдештердин жүрүшү менен тааныштырып турат. “ Мындай саамалык кыргыз сыналгысынын тарыхында биринчи жолу болууда” – дейт Эшимканов. Анын айтымында экзклюзивдүү телетрансляция үчүн УТРК тийиштүү келишимдерге кол коюп бүттү. (EK)
