Ысык-Ата районунун Ивановка айылынын №2 орто мектебинин бир нече мугалимдери аталган райондун акимиатына, райондук билим берүү бөлүмүнө нааразылыктарын билдирип барышат. Бул тууралуу “Таза табихат” бейөкмөт уюмунун жетекчиси Анара Даулеталиева “Азаттыкка” билдирди. Анын айтымында, №2 мектептин мугалимдери райондук билим берүү тарабынан жамаат менен кеңешпей жаңы директордун дайындалуусуна каршы болушуп, райондогу билим берүү деңгээлинин төмөндөп кеткенине, кадр саясатынын начардыгына нааразы болушууда. 29-июлда Ысык-Ата райондук билим берүү бөлүмүнүн башчысы Гүлмира Алканованын иши Билим берүү министрлигинин коллегиясында карала турган болду, дейт Даулеталиева. (AJ)