Бишкек райондор аралык соту бүгүн түштөн кийин Жогорку Кеңештин төрагасынын орун басары Кубанычбек Исабековдун Кумтөр кени боюнча өкмөттүн 2003-жылдын 31-декабрындагы токтомун жокко чыгаруу боюнча арызын кароону улантат. Сот ишти кароону буга чейин бир канча артка жылдырып келген. Акыркы жолу бул ишке 2-июлда кайрылган сот “Камеко”, “Центерра голд инк” компанияларынын өкүлдөрү келбей калгандыктан ишти кароону бүгүнкүгө жылдырган. Ишти караган судья эгерде 15-июлда да канадалыктар сотко келбесе, анда айып пул салынаарын жана сот ишти кароонун аларсыз баштай берээрин эскерткен.(SM)
