Оштогу маалымат жыйынында Папан айылдык парламентинин өкүлдөрү билдиришкендей, айылдык Кеңештин 15 депутатынын 11и эки жолку сессиясында тең Папан айыл өкмөтүнүн башчысы Медер Мырзабековдун ишин канаттандыраарлык эмес деп таап, кызматтан кетүүсүн талап кылышкан. Буга жериликтүү аткаминердин калкка гуманитардык жардамды жана жер тилкелерин мыйзамсыз тараткандыгы себепчи болгон. Бирок, аны район акими Токтосун Барманов кызматтан бошотпой, калкалап келатат. Карасуунун акими Токтосун Барманов айылдык депутаттардын шектенүүсүн четке кагып, Мырзабековдун иши боюнча комиссия жыйынтыгы эртең угузулаарын кабарлады. (ATo)