АКШ жана Евробиримдиктин лидерлери Иран уран байытуу иштерин токтотпосо, өлкөгө каршы кошумча чаралар көрүлөт деп билдиришти. Мындай эскертүү АКШ менен Евробиримдиктин Словенияда өткөн кечээки жылдык саммитинде жасалды. Жолугушууга АКШ президенти Жорж Буш катышты. Улуттар уюму буга чейин Иранга каршы 3 ирет санкция киргизген. Батыш Тегеран өзөктүк куралдын үстүнөн тымызын иштеп жатат деп шектенүүдө, Иран болсо муну четке кагып келет.
