Кыргызстанда чакан жана орто ГЭСтерди куруу боюнча долбоордун дирекциясынан “Азаттыкка” билдиришкенине караганда, азыр ГЭСти мамлекеттик кабыл алуудан өткөрүү үчүн “Түндүкэлектро” акционердик коому менен Ысыката райондук электр станциясынын адистери техникалык текшерүү иштерин жүргүзүп жатышат. Алардын айтымында, ГЭС иштетүүгө даяр жана кубаттуулугу 1,6 мегаватт электр энергиясын өндүрүүгө жетет. 1961-жылы курулуп, 1972-жылы жабылып калган Ысыката ГЭСин кайра калыбына келтирүү үчүн дирекция 800 миң доллар жумшады. (BD)
