Расмий Тбилиси Москванын Абхазиядагы темир жолду оңдоо үчүн куралсыз жоокерлерди жана аскер адистерин жиберүүсүн Орусиянын “дагы бир баскынчылык аракети” деп сыпаттады. Москва болсо жикчил аймакка гуманитардык жардам берип жатканын гана ырастоодо. Ал арада орус өкмөт башчысы Владимир Путин грузин президенти Михаил Саакашвилинин Абхазияга кеңири автономиялык ыйгарым укуктарды берүү сунушу “туура кадам” экенин билдиргенин француз басылмасы жазып чыкты.
