Бүгүн “Акыйкат үчүн” коомдук кыймылдын координациялык кеңешинин кезектеги отурумунда 21-майда өтүүчү Коомдук парламентте каралуучу жети маселенин долбоору менен катар уюштуруу маселеси талкууланды. Бул тууралуу координациялык кеңештин жетекчиси Аликбек Жекшенкулов “Азаттыкка” билдирди. Анын айтымында, отурумда Коомдук парламенттин сессиясына президиум түзүү, парламенттин ишине активдүү катышпаган мүчөлөрүн тазалоо, иштин сапатын жакшыртуу маселелери да көтөрүлдү. (AJ)
