АКШ президентинин бүгүн сүйлөй турган сөзүнүн алдын ала таркатылган көчүрмөсүндө ошондой эле мунайдын запасы чексиз болбогондуктан, араб өлкөлөрү андан көз карандылыктан арылышы керектиги эскертилет. Буш мындан тышкары тынчтыкты жана стабилдүүлүктү кепилдөөнүн бирден-бири жолу экономикалык жана саясий эркиндиктер экендигин белгилемекчи. Буш Египеттин Шарм ал-Шейх курортундагы Жакынкы чыгыш боюнча Дүйнөлүк Экономикалык жыйында чыгып сүйлөмөкчү.
