Бүгүн Бишкекке расмий иш-сапары менен Литванын премьер-министри Гемининас Киркилас келмекчи. Өкмөттүн маалымат кызматынын билдирүүсүнө караганда, Литвадан келаткан конокторду Кыргызстандын премьер-министри Игорь Чудинов баштаган бийлик өкүлдөрү тосуп алышат. Гемининас Киркилас иш сапары учурунда президент Курманбек Бакиев менен да жолугушмакчы. 15-майда эки тараптуу сүйлөшүүлөр, кыргыз-литва бизнес форуму жана Литванын Кыргызстандагы өкүлчүлүгүнүн ачылышы сыяктуу иш-чаралар өтмөкчү. (IJz)
