“Азаттык” үналгысына Кыргызстандын толук ыйгарым укуктуу элчиси, Кыргызстандагы Дипломатиялык академиянын ректору Нургазы Кемелбаев маек куруп берди.
-Адегенде биз сиздин “Кыргыз дипломатиясы” деген жаңы китебиңиздин таржымалы тууралуу сурайлы деп турабыз, китеп эмне жөнүндө?
-Бул китеп “Кыргыз дипломатиясынын хрестоматиясы. Байыркы замандан 19-кылымдын аягына чейин» деп аталат. Бул өзү тарыхый булактардан алынган архивдик материалдар менен чогултулган материалдардын жыйнагы. Байыркы замандан 19-кылымдын акырына чейинки архивдерде сакталып калган материалдардын түзүүчүсүбүз.
Ушул китептин чыгарылышына Дипломатиялык академиянын кеңеши, андан кийин Кыргыз-орус славян университетинин гуманитардык факультетинин чечими, рекомендациясы менен чыкты. Биринчи жолу кыргыздын тарыхында архивдик материалдардын топтолгон жыйнагын чыгардык, муну түздүк, биз автор эмеспиз. Ошон үчүн бул эмгек 4 жылдын аяк-башын алды.
Ушунда кайсы документ кайдан алынган дегенден башталат. Мисалы, 999-жылы биздин эрага чейинки кытайлар менен кыргыздын алакасындагы бир материал келген, андан кийин Рим менен кыргыздардын, же болбосо ал кезде гунндар деп койгон экен, ошолордун байланышы, анан акыркы 19-кылымдын аягына чейин.
Мында кийинки 19-кылымда Атаке баатырдын, Жаңгарач бийдин, Ормон хандын, Боромбайдын, Шабдандын аттары берилген. Алай ханышасы Курманжан датканын сүрөттөрү менен чогултулган. Бул китепти чыгарууда илимий Академиянын кеңеши Кыргыз илимдер академиясы менен биргелешип чыкты.
-Азыркы замандагы кыргыз дипломатиясы кирдиби? Акыркы кайсы жылдарга чейин камтыдыныздар?
-Акыркы Россия менен Кыргызстандын байланышына чейин. Мындан тышкары үч томдук чыкты. Биринчи хрестоматия 19 кылымдын аягына чейинки, экинчи, үчүнчү том Кыргызстан менен Россиянын байланышы бүгүнкү убакытка чейин.
-Кыргыз дипломатиясы, дегеле кыргыз тарыхы үчүн абдан чоң жумуш жасаган экенсиздер. Китебиңиз менен куттуктайбыз. Сизге ишиңизге ийгилик каалайбыз. Маегиңизге ырахмат.
-Бул китеп “Кыргыз дипломатиясынын хрестоматиясы. Байыркы замандан 19-кылымдын аягына чейин» деп аталат. Бул өзү тарыхый булактардан алынган архивдик материалдар менен чогултулган материалдардын жыйнагы. Байыркы замандан 19-кылымдын акырына чейинки архивдерде сакталып калган материалдардын түзүүчүсүбүз.
Ушул китептин чыгарылышына Дипломатиялык академиянын кеңеши, андан кийин Кыргыз-орус славян университетинин гуманитардык факультетинин чечими, рекомендациясы менен чыкты. Биринчи жолу кыргыздын тарыхында архивдик материалдардын топтолгон жыйнагын чыгардык, муну түздүк, биз автор эмеспиз. Ошон үчүн бул эмгек 4 жылдын аяк-башын алды.
Ушунда кайсы документ кайдан алынган дегенден башталат. Мисалы, 999-жылы биздин эрага чейинки кытайлар менен кыргыздын алакасындагы бир материал келген, андан кийин Рим менен кыргыздардын, же болбосо ал кезде гунндар деп койгон экен, ошолордун байланышы, анан акыркы 19-кылымдын аягына чейин.
Мында кийинки 19-кылымда Атаке баатырдын, Жаңгарач бийдин, Ормон хандын, Боромбайдын, Шабдандын аттары берилген. Алай ханышасы Курманжан датканын сүрөттөрү менен чогултулган. Бул китепти чыгарууда илимий Академиянын кеңеши Кыргыз илимдер академиясы менен биргелешип чыкты.
-Азыркы замандагы кыргыз дипломатиясы кирдиби? Акыркы кайсы жылдарга чейин камтыдыныздар?
-Акыркы Россия менен Кыргызстандын байланышына чейин. Мындан тышкары үч томдук чыкты. Биринчи хрестоматия 19 кылымдын аягына чейинки, экинчи, үчүнчү том Кыргызстан менен Россиянын байланышы бүгүнкү убакытка чейин.
-Кыргыз дипломатиясы, дегеле кыргыз тарыхы үчүн абдан чоң жумуш жасаган экенсиздер. Китебиңиз менен куттуктайбыз. Сизге ишиңизге ийгилик каалайбыз. Маегиңизге ырахмат.