Түп райондук ИИБнин жетекчиси Эрнис Дүйшөнбаев “Азаттыкка” билдиришинче “Ата Мекендин” мүчөлөрү жолдо жүрүү эрежелерин бузгандыгы үчүн гана кармалды. “Аларга карата иш козголуп, суракка алынууда деген сөздөр калп. Бирок жол эрежелерин бузуу боюнча протоколдор толтурулду. Азыр партия мүчөлөрү менен эртеңки иш-чара кайда өтүп, ага канча адам катышаары тууралуу маектешип жатабыз”,- деди Э. Дүйшөбаев. Анын айтымында, айылдык кеңеш эртеңки иш-чарага Талдысуу айылына бараткан жолдун четиндеги эски аэропорттун аймагын бөлүп берүүнү чечти. Бирок партия мүчөлөрү буга макул болбой жатышат. (ESu)
