“Ар намыс” партиясынын төрагасынын орун басары Эмил Алиев элдик курултайдын чечимдерин бийлик эске алып, аткарууга аракет кылыш керек, деп бүгүн “Азаттык” үналгысына билдирди. Анын айтымында, президенттин басма сөз катчысынын оппозиция курулай сындан башка иштиктүү программа сунуш кылган жок деген билдирүүсү негизсиз. Анткени “Ар намыс” партиясы эле өлкөнүн экономикалык өнүгүүсү жана саясий кризисттен чыгуу жолдорун көрсөткөн программаларды иштеп чыгып, өкмөт менен президентке сунуш кылган. Бирок алардын азырынча жооп жок, деп билдирди Э.Алиев. (BD)
