“Бул суу сактагычтын пультун дагы казактарга берип койгонсуңар. Эмне үчүн биз өзүбүздүн беш гектар жерди да ала албайбыз?” деп суроо койду депутат. Ал эми депутат Исхак Масалиев Кыргызстанга канча жер кошулганын сурады, ал казак тарапка берилген жер жашырын калып жатканына шектенди. Саламат Аламановдун жообу боюнча 2001-жылкы келишимге ылайык Кыргызстанга 6080,9 гектар, Казакстанга 4003,2 гектар жер өткөн. Мурдагы президент Аскар Акаев менен түзүлгөн келишимдин бир тамгасы да өзгөртүлгөн жок, деп маалымдады тышкы иштер министринин орун басары Аскар Бешимов. Анын айтуусунда кийин атайын жүргүзүлгөн ревизия да келишимде баары жайында экенин аныктаган. (ZKo)
