Мындай текшерүүнү Бишкек шаардык мэриясынын билим берүү башкармалыгы жүргүзүүдө. Анын максаты-мектептердин материалдык-техникалык камсыздануусу, машыгуучу зал, жабдыктардын, окуу куралдардын абалы менен таанышуу. Мындан тышкары атайын түзүлгөн топ мектептердеги окуу-тарбия иштеринин жүргүзүлүшү, окуучулардын олимпиадаларга, ар кыл коомдук иштерге катышуусу текшерилет. Бул иштердин жыйынтыгында мэрия башкалаадагы мектептердин абалы тууралуу электрондук база түзөт. (AiJu)
