10:15 Паспорт алуу баягыдай эле азап болууда

Жогорку Кеңештин депутаты Роза Отунбаеванын бүгүн парламентте билдиргени боюнча өлкөдө паспорт кризиси чечиле элек. “Таласта үч-беш айдан бери паспорт алалбай, мөөнөт күтүп отурушат. Бир паспорт үчүн 300-500 доллар сурашат экен. Ушул маселени сөзсүз түрдө эске алып, чечип берүүсү керек,” деди депутат. Маалыматтык ресурстар жана технологиялар боюнча мамлекеттик агенттиктен алынган маалымат боюнча бүгүнкү күндө ID карт 8 күндө, ал эми жалпы жарандык паспорт 20-21 күндө даяр болот. МРТМА маалыматы боюнча өткөн жылы 267 739 жалпы жарандык паспорт, 367 777 ID карт даярдалган. (ZKo)