23-февраль Мекен сакчыларынын майрамында “Мен ишенбейм” акциясынын катышуучулары Биринчи Май райондук ички иштер бөлүмүнүн кызматкерлерине “Мен куттуктайм” деген жазуусу бар чоң тортту белек кылышты. Буга чейин нааразылык акцияларын уюштурганы үчүн “Мен ишенбейм” акциясынын катышуучуларын аталган райондун ички иштер бөлүмүнүн кызматкерлери бир нече жолу кармап кеткен болчу. Биринчи Май райондук ички иштер бөлүмүнүн өздүк курамынын алдында сүйлөгөн сөзүндө жаш активисттер аларды майрамы менен куттуктап, 14-февралда “Мен сүйөм сени, Кыргызстан” акциясы учурунда камакка албагандыгы үчүн ыраазычылыгын билдиришти. (ZMa)
