БИШКЕК. Акылбек Сариевдин айтымында, шайлоо алдында Эдил Байсалов сүрөтүн тартып, интернетке жайгаштырган бюллетень жашыруун кагаз эмес эле. Ошондуктан бул боюнча 20 млн. сом акчаны айып катары Э.Байсаловдун мойнуна салуу менен соттор туура эмес чечим чыгарды деп билдирди, А.Сариев. А.Сариевдин талапкерлиги боюнча парламентте талаш-тартыш болду. Алсак, депутат С.Кадыралиев А.Сариевди өзү шайланган Өзгөн районундагы саясий кармаш маалында ооруп жатып алган, өзүнүн принципсиздигин көрсөткөн деп айыптады. Ал эми депутат А.Мамасалиев болсо тескерисинче А. Сариевди принципиалдуу адам жана мыкты адис катары баалады.
