Серб премьер министри Мирослав Коштуница өзүнүн өнөктөшү, президенттикке талапкер Борис Тадичти колдобой тургандыгын жарыялады. Жекшембиде экинчи айлампасы өтө турган президенттик шайлоого талапкер Тадич коалициялык келишимдеги Косово көз карандысыз деп таанылган шартта Сербия Еврошаркет менен түзүлгөн бардык келишимдерден баш тарткан жобону четке каккан. Шайлоонун биринчи айлампасында батышчыл азыркы президент Борис Тадич улуттук радикалдык күчтөрдүн лидери Томислав Николиктен азыраак добуш алган.
