ТАЛАС. Облус боюнча 12-декабрда алдын-ала парламенттик шайлоого өз добуштарын берген шайлоочулардын саны 72 адам болсо, бүгүн алардын саны Талас шаарында эле 108 адам, Манас районунда 12 адам. Карабуура, Талас жана Бакайата райондорунда азырынча жок. Эртең Талас облусу боюнча жалпы 115 шайлоо участогунда 1120 адам иштейт, алардын ичинде 4 орус, 5 өзбек жана башка улуттардын өкүлдөрүнөн 6 адам комиссияда иштемекчи. Сырт жактан келген көз карандысыз байкоочулардан, Европадагы коопсуздук жана кызматташтык уюмунан 6 жана КМШ мамлекеттеринен 13 көз карандысыз байкоочулар келген. (UA)
