Бүгүн Биринчи май райсоту “Диктатурага жок де” акциясынын катышуучуларына байланыштуу ишти кароону улантып, Административдик жоопкерчиликке тартуу жөнүндө Кодекс боюнча “Жашылдар” партиясынын эки мүчөсүнө эскертүү берди. Айыпталуучулар мыйзам бузбагандыктарын айтышып, соттун чечимин саясый тапшырма катары кабыл алышты. Ал эми Биринчи май райондук соттун ички иштер бөлүмүнүн өкүлдөрү соттун чечими мыйзамдын чегинде чыгарылганын айтышууда. Административдик жоопкерчиликке тартуу жөнүндө Кодексте административдик жазага тартылган адамды 15 күн камакка алуу каралган.(MSu)
