Кайрылуу ээлери райондун борборундагы көп кабаттуу үйлөрдө жашаган адамдардын сарайларын бузууга каршы болушту. Алар президенттен менчикке болгон укуктарын коргоп берүүнү өтүнүштү. Сузак айыл өкмөтү менчик ээлери менен кеңешпей туруп, көп кабаттуу үйлөрдүн жанына автоунаалар токтоочу жай курууга чечим чыгарган. Көпчүлүк өз сарайларынын райондук автоинспекциясынын башчысынын көрсөтмөсү менен буздурулуп жатканына нааразы болду. ”Черемушка” кыштагында калкты жылуулук менен камсыз кылуучу буу казаны да талкаланып, жок кылынган. Жергиликтүү бийлик буга эч кандай маани берген эмес (YA).
