“Төрт ай туткунда отурган соң эркиндикке чыгуу кандай жакшы”,- деди Би-Би-Си кабарчысы Жонстон суроолорго жооп берип жатып. Жонстондун айтымында, аны “Ислам армиясы” деген куралчан топ түрмөдө кармап, бир канча жолу «өлтүрөбүз» деп коркуткан жана бошотоордун алдынан уруп-сабаган. 12-мартта Газа тилкесинде уурдалып кеткен кабарчы Алан Жонстон кечээ ушул сааттарда бошотулуп, үч аптадан бери Газада жетекчилик кылып турган ХАМАС тобуна өткөрүлүп берилген эле.
