Британиянын премьер-министри Гордон Браундун айтымында, өкмөт эми өлкөдө иштеген чет-өлкөлүк мигранттардын ичинде медиктердин ким экенин, кайдан келгенин, эмне кылып жүргөнүн териштирүүгө алат. Буга Лондон жана Глазгодогу террор коркунучу себеп болду. Өлкөдө буга чейин “Терракт уюштурууга аракет кылган” деген шек менен сегиз адам кармалган жана алардын арасында Британияда иштеген чет өлкөлүк дарыгерлер да бар эле.
