Бул тууралуу президент алдындагы адам укуктары боюнча комиссиянын төрагасы Турсунбек Акун бүгүн билдирди. Анын маалыматы боюнча, ал кишилер Кемин жана Таластагы окуяларга тиешеси бар деп айыпталып, алардын үстүнөн кылмыш иши козголгон. “Саясий акцияларга катышкан жарандарга Акаевдин тушунда да кылмыш иши козголгон эмес. Ошондуктан аларга колдонулуп жаткан чаралар өзгөртүлүп, кылмыш иши бери болгондо административдик ишке айлантылыш керек” деп белгиледи Турсунбек Акун. (AiT)
