Бул тууралуу жерге муктаж болгондордун укугун коргоого чыккан Жантай хан уюмунун төрагасынын орун басары Төрөкан Алимов бүгүн билдирди. Анын маалыматы боюнча, Асанбай кичи району тараптагы 50 гектар жер эч кимге берилбейт деген мэриядан чечим чыккан. Бирок кийинчерээк ал чечим бузулуп, ар кандай мекеме, уюм жана бай адамдарга жер сатылып, учурда мейманкана, спорттук имараттар курулуп жатат. Буга нааразы болгон жерсиз адамдар 14-июндан бери чыгууда, деп белгиледи Алимов. Октябрь районунун акими адамдар менен жолугушуп, өз алдынча жер басып алуу мыйзамсыз экендигин эскертип, райондук бийлик 50 гектар жердин тагдырын чече албасын билдирди. (AiT)
