Ага ылайык цемент жана шиферди темир жол аркылуу гана экспортко чыгарууга үч фирмага уруксат берилди. Ал “Кант цемент-шифер комбинаты”, “Күрмөнтүцемент” жана “ТехноЛин” фирмасы. Ошондой эле бир айдын ичинде облус борборлорунда айына кеминде 10 миң тоннадан ашык цемент сатуучу борборлорду уюштуруу Кант цемент-шифер комбинатына жүктөлдү. Контрабанда жолу менен сыртка цементти ташууга чек коюу үчүн тармактар аралык комиссия түзүлдү.Ал эми Чек ара кызматына контрабанда жолу менен ташылган цементти жана транспортту конфискациялоо укугу берилди. Бул тууралуу өкмөттүн маалымат кызматынан 12-июнда кабарлашты. (AiT)
