Укук коргоо органдарына өкмөт тарабынан ушундай тапшырма берилгени өкмөттүн маалымат кызматы тараткан кечээки билдирүүдө айтылат. Анда ага мындай жол тосуу акциялары тартипсиздик, ээнбаштык менен коштолуп жатканы себеп болгону, Жерүй кенин иштетүүгө каршы Таластагы жол тосуу учурундагы бейбаштыктан улам Талас-Бишкек жолунун курулушу токтоп, бир жумушчу сабалганы белгиленген. Ошондой эле өкмөт мындай аракеттерди өлкөнүн экономикалык өнүгүүсүнө зыян алып келген жоопкерчиликсиз аракет катары баалары, андан күнөөсүз башка бирөөлөр жапа чегип жатканы айтылып, мындай акциялардын уюштуруучулары эми коомдук тартиптин бузулушу жана чыгымдардын келтирилиши үчүн жоопкерчиликке тартылаары эскертилет.(SM)
