Жер үчүн кезекте тургандар Шаардык кеңештин төрайымы Нуржамал Байболовадан жеке курулуш иштерин жүргүзүү үчүн жер берүүгө киргизилген мораторийди алып таштоону талап кылууда. “Акипресс” маалымат агенттигинде өткөн конференцияда жер үчүн кезекте тургандардын бири Бакыт Мусаев мораторий жарыялап жатканда, Шаардык кеңештин депутаттары өз кызыкчылыгын көздөгөн деп билдирди. “Кеңештин депутаттары 2005-жылдан бери бир топ жер аймагын менчиктештирип алган. Ошол жерди элге бербестен, сатууну ойлонуп жатышат” деди Бакыт Мусаев. (ZMa)
