Оппозиция менен укук коргоочу активисттердин эсебинде, Анжиандагы кара кыргында бери эле дегенде миңден ашуун киши опот болгон. Анжиан окуяларын калыс териштирүүдөн баш тартканы жана демонстранттарга курал колдонгону үчүн Евросоюз Ташкен режимин айыптап, ага бир катар саясий жазаналарды салган эле. Бүгүн Союздун жетекчилиги ошол санкцияларды алып салуу керекпи, же алардын мөөнөтүн узартуу зарылбы – ушул маселени талкуулашы ыктымал. Эл аралык укук коргоочу уюмдар, өзбек оппозициясы Евросоюзду өз санкцияларын күчүндө калтырууга чакырышууда.
