Биринчи жолу өтө турган бул кече тууралуу жаштардын креативдик “Оймо” студиясынын мүчөсү, ырчы Съездбек Искеналиев “Азаттыкка” билдирди. Анын айтымында, мектеп бүтүрүүчүлөрү үчүн мамлекеттик мекемелер эч кандай салтанаттуу аземдерди уюштурбайт. “Мындай кечелерде негизги көңүл бүтүрүүчүлөргө эмес, алардын ата-энелерине бурулуп келет. Андыктан бүтүрүүчүлөр үчүн гана уюштурулган кечеде конкурстар, белгилүү ырчылардын катышуусунда чоң концерт, мода көргөзмөсү өтүп, кече көңүл ачуу максатын көздөйт. Мындан сырткары лотореянын негизинде 1000 доллар ойнотулуп, аны утуп алган бүтүрүүчүнүн ЖОЖдо билим алуусу үчүн төлөнөт.” деп кошумчалады ырчы Искеналиев. “Алтын кеч-2007” кечеси 21-июнда болот. (ZMa)
