Анын аралыгында премьер-министр Андрус Ансип болсо өлкөнү Орусиянын кысымынан сактап калуу өтүнүчү менен Евробиримдикке кайрылды. Өткөн жумада борбор калаа Таллинде советтик жоокердин эстелиги ордунан жылдырылган. 27-апрелде Эстониянын Москвадагы элчилиги алдында митинг өтүп, чогулгандар эстеликтин башка жерге көчүрүлүшүнө нааразылыгын билдиришкен эле.