Бүгүн “Ак шумкар” саясий партиясы, “Реформа үчүн” кыймылы жана бир катар өкмөттүк эмес уюмдар уюштурган “Апрель сабактары” аттуу тегерек үстөл болуп өттү. Анын катышуучулар өлкөдөгү акыркы саясий окуяларга баа берип, учурдагы туруксуз кырдаалды талкуулашты. Иш чаранын соңунда резолюция кабыл алынып, анда бийлик айрым саясий ишмерлерге карата куугунтугун токтотуп, 19-апрелде митингчилерди таратуу максатында күч органдарынын атайын каражаттарды колдонушу канчалык негиздүү болгонун изилдөөсү керек деген талап коюлду. Андан тышкары тегерек үстөлдүн катышуучулары бийликти системалык реформаларды жүргүзүп, оппозиция менен сүйлөшүүлөргө барууга чакырышты. (AiJu)
