БИШКЕК. 19-апрелдеги окуя боюнча парламенте токтом кабыл алуу учурунда депутат Ормонов митинг маалында талкаланып, бүлүнгөн мүлктөрдү митингдин уюштуруучулары төлөп берсин деген пункт киргизели деп сунуш кылды. Ошондон кийин депутат Өмүрбек Текебаев мунун өзү башка бир нерсени эске салаарын – андай болсо 2005-жылдын 24-мартында Жалалабатта тонолуп, уурдалган миллиондогон сомдорду, Жалалабат шаардык ички иштер башкармалыгынын өрттөлгөн имаратын, Бишкекте миллиондогон сом зыян тарткан ишкерлердин акчасын азыр бийликте отургандар төлөп бериши керектигин айтты. «Мунун өзү уят», деди Өмүрбек Текебаев.