ЖАЛАЛАБАТ. Партиянын шаардык бөлүмү менен «Сентябрь» телеканалы ижарада турган “Жалалабат тейлөө сервиси” аттуу ишкананын кеңсеси 31-мартта түнкү саат 11 ченде таш баранга алынган. Белгисиз адамдар кеңсенин чоң айнектерин талкалашкан соң, номери жок автоунаага түшүп качып кетишкен. Натыйжада ишкана 15-20 миң сомдук зыян тарткан. Бул тууралуу “Азаттыка” 1-апрелде партиянын шаардагы координатору Ильич Нарматов билдирди. Анын айтымында окуя тууралуу маалымдалган соң Жалалабат шаардык милициясы аталган чатакты териштирүүдө. Белгилүү болгондой, 31-мартта күндүзү «Ата мекен» жана «Ар намыс» партияларынын облустагы үч өкүлү бийликчил адамдар тарабынан запкы тартышкан. (YA)
