Жол тоскондор кечээ алар менен жолукканы келген шаар башчынын орунбасары Акылбек Жаныбековдун кызматтык автоунаасын тартып алып, шаар башчысы Орозбек Бектуровдун келишин талап кылган. Элдин нааразылыгына Каракол шаарынын таштандысы Бозучук, Теңизчил жана Жыргалаң айылдарынын жанына төгүлүшү себеп болуп, жергиликтүү калк таштандыны көмүү үчүн бюджеттен бөлүнгөн 160 миң сомдун эсебин талап кылышкан. Сүйлөшүүлөрдөн соң жол тоскондор тарап, бирок кызматтык автоунаа ээсине бүгүн таштанды төгүлгөн жер жабылгандан кийин бериле турган болду. (SM)