МЕККЕ. Палестин Автономиясынын президенти, Фатх тобунун жетекчиси Махмуд Аббас менен Хамас тобунун жетекчиси Халед Мишалдын сүйлөшүүлөрү мусулмандардын ыйык шаары Меккеде өтүп жатат. Сауд падышасы Абдулланын ортомчулугу менен өтүп жаткан сүйлөшүүлөрдүн максаты бирдиктүү өкмөт түзүү. Фатх менен Хамастын декабрь айынан бери басылбай келаткан куралдуу кагылышууларында 100дөн ашык адам курман болду.
