Өтүп бараткан аптада президент экинчи ирет өкмөт башчылыкка Феликс Куловдун талапкерлигин парламентке сунуштады. Байкоочулардын баамында, бул Бакиев-Кулов тандеминин кезектеги саясий жүрүшү, жаңы жыл алдында кызматын таштап кеткен өкмөттүн жолун жолдобогон парламентти таркатуунун дагы бир аргасы. Эски-жаңы өкмөттүн иши, анын Конституциянын жаңы редакциясы кабыл алынгандан кийинки абалы жайында «Азаттыктын» «Бетме-бет» берүүсүндө кеп болот. Берүүгө Коом саясаты институтунун директору Муратбек Иманалиев менен Махмуд Кашгари атындагы Чыгыш университетинин проректору Айдарбек Көчкүнов катышат. Берүүнү Бекташ Шамшиев алып барат.
