Кыргыз өкмөтүнүн басма сөз кызматынын кабары боюнча, кыргызстандык зыяратчылар курман болгон жол кырсыгы Сауд Арабстан менен Араб эмираттарынын чек арасынан 15 чакырымдагы Эль Хуфуф деген жерде болгон. Жүргүнчүлөрдү салган эки автобус сүзүшүп, анын биринде кыргызстандык зыяратчылар бар экен. Кырсыктын натыйжасында, мурда кабарлангандай, кыргызстандык атуулдардан 23 адам ошол жерде кайтыш болгон, 21 ар кандай даражадагы жаракат алып, ошол жактагы ооруканага жеткирилген. (KCh)