Нарын облусунда 25-декабрдан 26-декабрга караган түнү саат экилерде болгон алты жарым - жети балл жер титирөө Кочкор районуна көп экономикалык зыян алып келди, адамдар да жабыркады. Жер титирөөдөн Нарын жана Ысыккөл облустарында 5668 үй, 33 имарат жабыркаган. Алардын ичинен Кочкор районунда 5 үй толук кыйрап, 67 үй катуу жапа чеккен. Бул тууралуу 26-декабрда болгон жер силкинүүдөн кийинки абалды жана анын кесепеттерин жоюу маселесин караган өкмөттүн 31-декабрдагы жыйынында айтылды.
