ХИПИК программасына каршы нааразылык иш-чараларын уюштуруп, Дүйнөлүк банктын Бишкектеги өкүлчүлүгүнүн имаратынын алдында каракчы өрттөп, имараттын терезелерин жумуртка менен ургулаганы үчүн административдик жоопкерчиликке тартылып жаткан укук коргоочу Азиза Абдурасулованын иши Ленин райондук соту тарабынан каралып жатат. 20-декабрда башталган сот иши тиешелүү материалдар толук болбогону үчүн 26-декабрга калтырылган. Укук коргоочу өзүнүн үстүнөн жүргүзүлүп жаткан бул сот ишин саясий куугунтук катары баалоодо. (ZKo)
